منوعات

تزوجني وعشت معه ثماني سنوات

في اللحظة دي، تليفونه رن. كان فارس. رد بسرعة. قول. زيدان بيه، وصلنا لمعلومات عن الطفل.
زيدان حس إن قلبه هيقف. اتكلم. اسمه آدم رقية منصور، مولود خارج مصر، وعنده سنتين وعشرة شهور. زيدان قعد على أقرب كرسي. سنتين وعشرة شهور. يعني رقية كانت حامل بعد طلاقهم بفترة قصيرة.
فارس كمل وفيه حاجة تانية يا فندم. إيه؟ الأستاذة رقية دخلت مستشفى هناك بعد وصولها بحوالي شهر وكان سبب الدخول مضاعفات حمل في بدايته.
إنتِ كنتِ عارفة إن رقية حامل يا نهى؟! صړخ زيدان هاشم بالسؤال ده وهو واقف قدام مراته، وفي إيده صورة المستند اللي وصله من مدير مكتبه. نهى رجعت خطوتين لورا، ووشها اتحول للون الأبيض. إنت بتتهمني بإيه يا زيدان؟! قرب منها، وعينيه الرمادي كانت مليانة ڠضب.
أنا بسألك سؤال واحد، وعايز إجابة واضحة إنتِ كنتِ عارفة إن أختك حامل مني؟! حاولت تضحك بسخرية. وهو أنا هعرف منين؟ رقية سابت البلد من 3 سنين، وأنا معرفش عنها حاجة! زيدان رفع التليفون قدام وشها. أمال إيه الورقة دي؟ بصت للمستند، وحاولت تتماسك. ورقة إيه؟
إقرار مكتوب فيه إني كنت عارف باحتمال وجود حمل، وإني متنازل عن أي حقوق تخص الطفل! والأغرب إن عليه توقيع باسمي، وأنا عمري ما شفته قبل كده! نهى بلعت ريقها. يمكن مضيت ونسيت. زيدان ضحك ضحكة قصيرة، خلت جسمها يقشعر.
أنا ممكن أنسى اسمي يا نهى لكن مستحيل أنسى إني مضيت على ورقة بتخص ابني! سكت لحظة، وبعدين قال والأغرب إن الورقة دي اتقدمت مع ملف الطلاق، في نفس الأسبوع اللي إنتِ ډخلتي فيه مكتبي ومعاكي أوراق وطلبتي مني أمضيها.
نهى رفعت صوتها فجأة. يعني إنت مصدق أختي ومكدبني؟! دي سابتك من 3 سنين، ورجعت دلوقتي بولد علشان توقعك! زيدان قرب منها لحد ما بقى بينهم خطوة واحدة. رقية مسابتنيش أنا اللي طلقتها. نهى اتجمدت.
كمل بصوت مكسور وأنا اللي طردتها من البيت، وأنا اللي كسرت قلبها بس فيه حاجة واحدة مش فاهمها. إيه هي؟ إزاي إنتِ كنتِ مستعجلة على جوازنا بالشكل ده؟ وإزاي وافقتِ تتجوزي راجل كان لسه مطلق أختك من أسبوع؟ نهى بصت بعيد.
علشان كنت بحبك. هز راسه ببطء. لا يا نهى الحب مش بيخلي الأخت تفرح

في ۏجع أختها. وبعدين
خرج من الأوضة، وسابها واقفة مكانها. أول ما سمعت باب المكتب بيتقفل، طلعت تليفونها بإيد بتترعش، واتصلت برقم محفوظ من غير اسم. أول ما الطرف التاني رد، همست إحنا اتكشفنا!
صوت راجل جه من الناحية التانية. اهدي واتكلمي. رقية رجعت مصر ومعاها ابن زيدان! سكت الراجل ثواني. وبعدين قال يعني الواد طلع موجود فعلًا؟ نهى حطت إيدها على بقها. أيوه وزيدان شافه، وابتدى يفتح الملفات القديمة!الراجل رد ببرود اسمعيني كويس ممنوع زيدان يوصل للحقيقة. طب أعمل إيه؟
! خليكي طبيعية وأنا هتصرف. قفلت التليفون وهي بتبص ناحية باب المكتب. لكنها مكنتش تعرف إن زيدان كان واقف في الناحية التانية، وإنه سمع آخر جملة قالتها. في صباح اليوم التالي، صحيت على صوت آدم وهو بيضحك. فتحت عيني، لقيته واقف جنب السرير، ماسك عربية لعبة صغيرة.
ماما، اصحي بقى! ابتسمت وشدّيته لحضني. صباح العسل على عيونك يا قلب ماما. باسني على خدي. أنا جعان. ضحكت. حاضر يا سيدي، هنفطر. قمت حضرتله الفطار، وبعدها قعدنا في البلكونة الصغيرة. كان الجو هادي، والشمس داخلة من بين العمارات.
آدم كان بياكل وبيحكيلي عن الطيارة، وفجأة سألني ماما هو أنا ليا بابا؟ إيدي وقفت في الهوا. بصيتله. ليه بتسأل يا حبيبي؟ علشان صاحبي في الحضانة باباه بيوديه كل يوم وأنا بابا عمره ما جه. حسيت بغصة في زوري. كنت دايمًا بحاول أهرب من السؤال ده.
كنت دايمًا بحاول أهرب من السؤال ده. مش علشان مش عايزة ابني يعرف أبوه، لكن علشان كنت خاېفة من اليوم اللي يسألني فيه ليه أبوه مش موجود. قربت منه ومسحت على شعره. طبعًا ليك بابا يا حبيبي. عينيه لمعت. طب هو فين؟
قبل ما أرد، جرس الباب رن. سلمى خرجت من أوضتها. أنا هفتح. لكن أول ما فتحت الباب، سمعتها بتقول بحدة إنت بتعمل إيه هنا؟! قلبي اتقبض. قمت بسرعة، ولقيت زيدان واقف قدام الباب. لابس بدلة رمادي غامق، وشكله مرهق كأنه منامش طول الليل.
في إيده كيس صغير، وعينيه بتدور جوا الشقة. أول ما شافني، قال صباح الخير يا رقية. بصيتله پصدمة. إنت عرفت عنواني منين؟! محتاج أتكلم معاكي. وأنا مش محتاجة أسمعك. حاول يقرب خطوة، لكن سلمى وقفت قدامه. الأستاذة

قالتلك امشي.
زيدان بص لها بهدوء. مش جاي أعمل مشكلة. قلت بعصبية وجودك هنا هو المشكلة! وفي اللحظة دي، آدم خرج من ورايا. ماما مين ده؟ زيدان أول ما شافه، ملامحه اتبدلت. الراجل اللي كان واقف من ثواني بمنتهى الهيبة، فجأة بقى مش عارف يتحرك.
نزل على ركبته علشان يبقى في مستوى الطفل. صباح الخير يا آدم. آدم ابتسم. إنت الراجل اللي في المطار! زيدان ابتسم ابتسامة حزينة. أيوه يا بطل. الولد قرب منه خطوة. إنت عرفت اسمي إزاي؟ إنت قولتهولي امبارح فاكر؟ آدم ضحك.
آه صح! وبعدين بص للكيس اللي في إيده. إيه ده؟ زيدان مد إيده بالكيس. دي هدية صغيرة ليك بس لو ماما وافقت. بصيت للكيس، وبعدين لزيدان. كان جواه عربية لعبة شبه اللي آدم بيحبها. قلت بحزم آدم، ادخل أوضتك مع طنط سلمى. الولد بصلي باستغراب.
بس يا ماما حبيبي، اسمع الكلام. سلمى أخدته ودخلت. وقفت قدام زيدان، وقلت بصوت واطي إنت عايز إيه مني تاني؟ بصلي فترة طويلة. عايز أعرف إذا كان آدم ابني. حسيت إن قلبي بيتعصر. وحتى لو ابنك؟ عينيه دمعت. يبقى ضاع من عمري 3 سنين وأنا معرفش إن عندي ابن.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى