
اتجوزني عرفي وعشت معاه 8 سنين، وكل ما أطلب منه يعلن جوازنا قدام الناس، كان يرفض ويقولي مش وقته يا رقية! لحد ما في يوم رمى عليّا ورقة طلاقي، وبعدها بأسبوع وصلتني دعوة فرحه على أختي الكبيرة!
لكن بعد 3 سنين، رجعت وأنا شايلة سر لو عرفه، ممكن يقلب الدنيا كلها ابنه اللي عمره ما شافه! اسمي رقية منصور، وعندي 32 سنة. من 11 سنة، كنت فاكرة إن الحب ممكن يخلّي الإنسان يستحمل أي حاجة، وإن الست لما تحب راجل بجد، ممكن تتنازل عن الدنيا كلها علشان تفضل جنبه.
لكن اللي اكتشفته بعد فوات الأوان إن فيه فرق كبير بين إنك تحبي راجل، وبين إنك تسمحيله يمحي وجودك من حياته قدام الناس. زيدان هاشم كان أغنى وأقوى راجل قابلته في حياتي. راجل اسمه بيتقال في اجتماعات رجال الأعمال بحساب، وكلمته ممكن تقفل صفقة بملايين أو تفتح أبواب كانت مقفولة قدام أكبر المستثمرين.
كان طويل، عريض الكتفين، ملامحه حادة، وعينيه رمادي غامق، نظرتها كفاية تخلي أي حد يتلخبط وهو بيتكلم معاه. لكن معايا أنا، كان زيدان شخص تاني. كان بيرجع من شغله مرهق، يرمي مفاتيحه على الترابيزة، ويقعد جنبي ويحط راسه على كتفي.
ويقولي أنا ممكن أواجه الدنيا كلها يا رقية بس مقدرش أواجه يوم من غيرك. وكنت بصدقه. صدقته لما طلب مني نتجوز عرفي لحد ما يحل مشاكله مع عيلته. وصدقته لما وعدني إن الموضوع مش هيطول أكتر من سنة.
وصدقته حتى بعد ما السنة بقت اتنين، والاتنين بقوا خمسة، والخمسة بقوا تمن سنين. تمن سنين وأنا مراته في البيت، وغريبة عنه قدام الناس. مكنتش بقدر أروح معاه مناسبة عائلية، ولا أحضر حفلة من حفلات شركاته، ولا حتى أظهر معاه في صورة واحدة.
كنت عايشة في فيلا جميلة على أطراف القاهرة، فيها كل حاجة ممكن أي ست تحلم بيها. إلا الحاجة الوحيدة اللي كنت محتاجاها. إني أبقى مراته قدام الدنيا. وفي ليلة من الليالي، بعد ما رجع من اجتماع مهم، دخلت عليه المكتب.
كان قاعد ورا مكتبه الخشبي الكبير، لابس قميص أسود، وبيتكلم في التليفون بعصبية. استنيته لحد ما خلص، وبعدين قربت منه. زيدان، عايزة أتكلم معاك. رفع عينه وقال خير يا حبيبتي؟ قعدت قدامه. أنا تعبت. اتعدل في قعدته.
تعبانة من إيه؟ حد ضايقك؟
سكت. كملت وأنا بحاول أتماسك أنا بقالي تمن سنين مستنية اليوم اللي تمسك فيه إيدي قدام الناس وتقول دي مراتي. كل مرة بتوعدني، وكل مرة بتأجل. هو أنا عيب في حياتك يا زيدان؟ وشه اتغير. إنتِ عارفة كويس إن الموضوع مش كده. أمال إيه؟ قام من مكانه ووقف قدام الشباك.
فيه حاجات إنتِ متعرفيهاش يا رقية. طب فهمني! لف ناحيتي وقال بنبرة حاسمة مش وقته. ضحكت من القهر. نفس الجملة! تمن سنين وأنا بسمع نفس الجملة! قرب مني ومسك إيدي. أنا بحميكي. سحبت إيدي منه.
بتحميني من إيه؟ من إن الناس تعرف إني مراتك؟ لأول مرة، شوفته عاجز عن الرد. وبعدها بأربع أيام، انتهى كل شيء. رجع البيت متأخر، وطلب مني أدخل المكتب. لقيته حاطط ظرف أبيض قدامه. قال من غير مقدمات امضي يا رقية. فتحت الظرف. كانت أوراق إنهاء جوازنا العرفي، ومعاها إقرار طلاق.
فضلت أبص للورق كأني مش فاهمة الحروف. إنت بتهزر؟ رد بصوت بارد لا. يعني إيه؟ يعني إحنا خلاص مش هنكمل. حسيت بحاجة اتكسرت جوايا. بعد تمن سنين؟ سكت. قربت منه وقلت بص في عيني يا زيدان، وقولي إنك مبقتش بتحبني. رفع عينه.
وكانت أول مرة أشوف فيها الدموع واقفة في عيون الراجل اللي الكل بېخاف منه. لكن بدل ما يحضني، قال امشي يا رقية وانسي إنك عرفتي واحد اسمه زيدان هاشم. صړخت أنا مش لعبة عندك! خبط بإيده على المكتب.
قولتلك امشي! وفي الليلة دي، خرجت من الفيلا اللي عشت فيها تمن سنين، بشنطة هدوم وقلبي المكسور. مكنتش أعرف إن فيه ۏجع أكبر مستنيني. بعد أسبوع، وصلتني دعوة فرح. اسم العريس كان زيدان هاشم. واسم العروسة نهى منصور. أختي الكبيرة. الست اللي كانت عارفة كل حاجة عن جوازي السري.
الست اللي كنت بحكيلها كل دموعي، وكل مرة زيدان كان بيكسر فيها خاطري. اتصلت بيها وأنا مش قادرة أتنفس. نهى إيه الدعوة دي؟ ردت بمنتهى الهدوء دعوة فرحي يا رقية. فرحك من زيدان؟! أيوه. إنتِ عارفة إنه كان جوزي! ضحكت. كان يا رقية ركزي في كلمة كان.
وقبل ما أقفل، قالت جملة عمرها ما خرجت من وداني على فكرة، زيدان هو اللي اختارني. محدش غصبه. حضرت الفرح. مش علشان أباركلهم. لكن علشان أشوف بعيني إذا كان




