
كل اللي حصل حقيقة. وشوفته. واقف جنب أختي، ببدلته السودا، وبيحط الدبلة في إيدها قدام مئات المعازيم.
نفس الراجل اللي فضل تمن سنين يقولي إن إعلان جوازنا خطړ. كان بيعلن جوازه من أختي بمنتهى الفخر. وفي اللحظة دي، ماټ آخر أمل جوايا. بعدها بأسابيع سافرت خارج مصر، وهناك اكتشفت إني حامل. حامل في ابن زيدان.
فكرت أقوله. لكن كل مرة كنت بمسك التليفون، كنت بفتكر أختي وهي واقفة جنبه بفستانها الأبيض. فقررت أبعد. وربنا رزقني بولد جميل سميته آدم. آدم كان نسخة صغيرة من أبوه. نفس العيون الرمادي، ونفس الشعر الأسود، وحتى نفس التكشيرة لما يزعل. كنت بحبه حب يخليني أنسى الدنيا كلها.
وبعد 3 سنين، اضطررت أرجع مصر علشان أخلص إجراءات تخص نقل رفات أبويا لمقاببر العيلة. كنت ناوية أقعد خمس أيام وأرجع. لكن القدر كان محضرلي حاجة تانية. خرجت من بوابة المطار وأنا ماسكة إيد آدم، وصاحبتي سلمى ماشية جنبي بتجر الشنط.
كان آدم لابس بلوفر كحلي وبنطلون بيج، وشعره الأسود متسرح على جنب. بصلي وقال ماما، إحنا هنروح بيت جدو؟ ابتسمت بحزن. هنروح نخلص شوية حاجات يا حبيبي، وبعدها نرجع بيتنا. سلمى بصتله وضحكت. يا بنتي ده كل يوم بيبقى شبه أبوه أكتر! بصيتلها بتحذير. سلمى! خلاص يا ستي، سكت.
لكن فجأة، سلمى وقفت. وشها اتغير. رقية فيه إيه؟ بصت ناحية البوابة التانية. متبصيش وراكي. طبعًا بصيت. وشوفته. زيدان هاشم. واقف جنب عربية سودا فخمة، لابس بالطو أسود، وحواليه اتنين من الحراسة. شعره كان ظهر فيه كام شعرة بيضا عند الجنبين، وملامحه بقت أشد من زمان.
رقية؟! اتجمدت. زيدان كان بيبصلي. وبعدين عينه نزلت على آدم. وشه اتغير في لحظة. اتحرك ناحيتنا بخطوات سريعة. رقية! شيلت آدم في حضڼي. ابعد عن طريقي يا زيدان. وقف قدامي، وبص لوشي كأنه مش مصدق إني حقيقية. إنتِ رجعتي إمتى؟ ده ميخصكش. والولد ده مين؟ حضنت آدم أكتر. ابني.
سكت ثواني. وبعدين سأل بصوت واطي ابنك؟ أيوه. بص لآدم. الولد كان بيبصله بفضول، وفجأة ابتسم وقال إنت عندك عينين زي عيني! زيدان اتجمد. نزل على ركبته قدام آدم. اسمك إيه يا بطل؟ آدم بصلي الأول، ولما هزيتله راسي، رد آدم. زيدان كرر
الاسم كأنه بيجرب
طعمه لأول مرة.
آدم وبعدين رفع عينه ليا. عنده كام سنة؟ قلت بسرعة زيدان، وسع من فضلك. قام وقف. بسألك عنده كام سنة؟ مش من حقك تسأل. ملامحه اتشدت. رقية الولد ده ابني؟ سلمى قربت مني وهمست يلا نمشي. لكن زيدان وقف قدامي وقال ردي عليّا. بصيتله بثبات رغم رعشة جسمي.
إنت مالكش أي حق تسألني عن حياتي بعد اللي عملته. مد إيده ناحية آدم، لكني رجعت خطوة. إوعى تلمسه! اټصدم من صوتي. ولأول مرة، شوفته بيتراجع. قال بهدوء غريب أنا مش هأذيكي ولا هأذيه. ضحكت بمرارة. إنت أذيتني من زمان يا زيدان. وبعدين عديت من جنبه.
لكن قبل ما أوصل للعربية، سمعت صوته رقية لو طلع ابني، مش هسمح إنك تخبيه عني تاني. لفيت ناحيته. وإنت فاكر إنك لسه تقدر تتحكم في حياتي؟ رد بنظرة حادة أنا بس عايز أعرف الحقيقة. قلت الحقيقة إنك طلقتني واتجوزت أختي.
دي الحقيقة الوحيدة اللي تخصك. وركبت العربية وقفلت الباب. طول الطريق، كنت حاسة إن نفسي مكتوم. سلمى كانت بتبصلي بقلق. هو عرف يا رقية. هزيت راسي. هو شك بس مش معاه دليل. وإنتِ هتعملي إيه؟ بصيت لآدم اللي نام على رجلي.
هخلص اللي ورايا ونسافر. لكن سلمى قالت جملة خلت قلبي يقبض إنتِ ناسية إن زيدان هاشم لو عايز يعرف حاجة، بيعرفها؟ مكنتش ناسية. كنت بحاول أقنع نفسي إن الراجل اللي سابني من 3 سنين مش هيهتم.
لكن في نفس الوقت، على بعد كيلومترات مننا، كان زيدان واقف جنب عربيته، ماسك تليفونه. اتصل بمدير مكتبه، فارس. فارس، عايزك تعرفلي كل حاجة عن رقية منصور من يوم ما سابت مصر. حاضر يا زيدان بيه. وعايز أعرف الولد اللي معاها اتولد إمتى، وفين.
فارس اتردد. فيه مشكلة يا فندم؟ زيدان رد بصوت مخڼوق ممكن يكون عندي ابن يا فارس وأنا معرفش. وصلت شقة صغيرة كنت مأجراها لمدة خمس أيام. بعد ما نيمت آدم، دخلت أوضتي وقفلت الباب. طلعت من شنطتي ظرف قديم، جواه نسخة من عقد جوازي بزيدان، وشهادة ميلاد آدم، وصورة سونار كنت محتفظة بيها من أول الحمل.
قعدت على طرف السرير وبصيت للأوراق. كنت عارفة إن اليوم ده ممكن ييجي. لكن مكنتش مستعدة له. وفجأة، تليفوني رن. رقم مصري غريب. رديت بحذر. ألو؟ سمعت صوت
ست أعرفه كويس. حمد لله على السلامة يا أختي. اتجمدت.
قعدت على طرف السرير وبصيت للأوراق. كنت عارفة إن اليوم ده ممكن ييجي. لكن مكنتش مستعدة له. وفجأة، تليفوني رن. رقم مصري غريب. رديت بحذر. ألو؟ سمعت صوت ست أعرفه كويس. حمد لله على السلامة يا أختي. اتجمدت. نهى؟ ضحكت. إيه؟ مش هتقوليلي وحشتيني؟
قلت ببرود عايزة إيه؟ ردت سمعت إنك رجعتي مصر ومعاكي ولد كمان. قلبي وقع. مين قالك؟ جوزي. سكتت لحظة، وبعدين قالت زيدان رجع البيت من شوية، وكان شكله غريب جدًا. أول ما سألته مالك، قالي إنه شافك في المطار.
بلعت ريقي. كملت بنبرة مليانة غيرة بس الغريب إنه فضل يسألني إذا كنت أعرف إنك اتجوزتي بعده. قلت وده يخصك في إيه؟ صوتها اتغير. اسمعيني كويس يا رقية أنا مش هسمحلك ترجعي تبوظي بيتي. ضحكت بسخرية. بيتك؟
أيوه، بيتي وجوزي. قلت بهدوء اطمني يا نهى. أنا مش عايزة منك حاجة، ولا من جوزك. لكنها ردت بسرعة والولد؟ سكت. قالت الولد ده ابن مين يا رقية؟ حاولت أتماسك. ابني أنا. صړخت متستعبطيش! زيدان بيقولي إنه شبهه! وقبل ما أرد، سمعت صوت راجل من بعيد.
نهى! إنتِ بتكلمي مين؟ كان زيدان. نهى حاولت توطي صوتها. لكن زيدان كان واضح إنه قرب منها. إنتِ بتكلمي رقية؟ وفجأة سمعت صوته في السماعة. رقية متقفليش. إيدي اترعشت. قال أنا عايز أقابلك. مفيش بينا كلام. فيه كلام كتير وأول سؤال عايز إجابته آدم ابني؟
بصيت ناحية باب أوضة ابني. وقبل ما أرد، سمعت نهى بتصرخ من بعيد إنت اټجننت يا زيدان؟! يعني إيه ابنك؟! زيدان تجاهلها. وقاللي بصوت عمري ما سمعته منه قبل كده رقية، أنا مستعد أسمع منك أي حاجة بس متحرمنيش من الحقيقة. غمضت عيني.
وقلت إنت اللي اخترت تبعدني عن حياتك يا زيدان. وبعدين قفلت. في فيلا زيدان، كانت نهى واقفة قدامه ووشها أحمر من الڠضب. إنت عايز تقولي إن أختي رجعت ومعاها ابنك؟! زيدان كان واقف عند الشباك، بيحاول يستوعب اللي شافه. مش عارف. إزاي مش عارف؟! لف ناحيتها.
الولد شبهّي يا نهى شبهّي بطريقة تخوف. ضحكت بعصبية. يمكن اتجوزت واحد شبهك! زيدان بص لها بحدة. رقية متجوزتش. نهى اتجمدت. وإنت عرفت منين؟ سكت. لكن




