ليلة فرحي

افتكرت إنه بيهزر.
بصيت له وأنا مستنية يضحك.
لكنه ما ضحكش.
قلت
هنا؟!
قال
أيوه.
في أوضتنا؟
ليلة واحدة يا ندى.
كريم، دي أول ليلة لينا بعد الفرح.
قال بسرعة
وأنا عارف. بس هي أمي، ومش هينفع أسيبها لوحدها وهي بالحالة دي.
كنت متضايقة جدًا.
مش من حماتي نفسها بس
لكن من فكرة إن أول حاجة تحصل بعد الفرح إن أنا أطلع من أوضتي.
ومع ذلك، ماحبتش أعمل مشكلة.
قلت
خلاص.
بعدها بدقايق دخلت حماتي.
كانت فعلًا مترنحة، وماسكة المخدة بإيدها، وبتحاول تضحك كأن مفيش حاجة حصلت.
قالت لي
معلش يا ندى يا بنتي، هتعبك معايا.
ابتسمت بالعافية
ولا يهمك.
كريم ساعدها تدخل السرير.
وبمجرد ما نامت، بص لي وقال
أنا هقعد جنبها شوية لحد ما تنام.
هزيت راسي.
خدت مخدتي وغطايتي، وخرجت من الأوضة.
قعدت على الكنبة في الصالة.
وأنا بقول لنفسي
بكرة تعدي.
ماكنتش عايزة أبدأ جوازي بخناقة.
خصوصًا إن حماتي من النوع اللي بيحب يعرف كل حاجة.
من أول ما اتخطبت لكريم وأنا ملاحظة إنها بتتدخل في تفاصيل كتير.
لكن كنت دايمًا بقول لنفسي
دي أمه وأنا لازم أكون عاقلة.
مر وقت.
البيت كله سكت.
صوت الناس اختفى.
والزغاريد اللي كانت مالية المكان من ساعات، بقت مجرد ذكرى.
حاولت أنام.
لكن كل شوية كنت بسمع صوت خطوات فوق.
مرة صوت باب بيتفتح.
ومرة صوت كرسي بيتحرك.
وبعدها
سكون.
عدت الساعة واحدة.
وبعدين اتنين.
وبعدين تلاتة.
وأنا لسه صاحيه.
في حوالي الساعة خمسة إلا ربع، سمعت صوت حاجة وقعت فوق.
اتعدلت على الكنبة.
قلبي دق بسرعة.
استنيت أسمع أي صوت تاني.
لكن مفيش.
قلت لنفسي يمكن كوب وقع.
وبعدها من شدة