عصام سمع الكلمتين دول، والدنيا دارت بيه..
هناء كانت عارفة إن عصام “شكاك”، وإنها لو اعترفت بتمثيلية صغيرة (إن الخاتم فالصو) هتغطي على الجريمة الكبيرة، وتطلّع نفسها إنها بتعمل كدا “عشان تحميه”.
المواجهة التي لم تكتمل
عصام قام وقف، وعينه كانت حمرا من الغض,,ب، هناء عملت نفسها اتخضت ووقعت التليفون من إيدها:
* “عصام! أنت كنت صاحي؟”
* عصام بصوت زي الرعد: “بقى بتمثلي عليا يا هناء؟ بتحطي خاتم فالصو في شنطة أختي عشان تطلعيها حرامية؟”
هناء هنا لعبت آخر ورقة عندها.. قعدت في الأرض في العياط:
* “أيوة يا عصام! عملت كدا! عشان أختك كانت بتسخنك عليا كل يوم، عشان كانت عايزة تطلقني منك وتجوزك بنت خالتها، عشان كانت بتدخل بيتي تفتش في لبسي وتعد عليا لقمة أكلي! كنت عايز إيه؟ استنى لما تخرب بيتي؟ أنا عملت كدا عشان “أخرصها” وعشان نعيش في هدوء.. أنا بحبك يا عصام، ومكنتش شايفة حل غير ده!”
عصام وقف محتار.. هل يكرهها لأنها كذبت؟ ولا يعذرها لأنها “دافعت عن بيتها” بطريقة وحشة؟
وفي وسط المواجهة دي، الباب خبط.. كانت “منال” ومعاها “فاتورة” من بتاع الدهب بتثبت إن هناء كانت عنده.
منال دخلت وهي بتضحك بانتصار: “أنا كشفتك يا هناء! يا حر,,امية يا كذابة!”
عصام بص لمنال بنظرة كره غريبة، وقالها كلمة واحدة وقعت منال من طولها:
* عصام: “اطلعي برا يا منال.. هناء حكتلي كل حاجة، وعرفا إنها كانت بتأدبك لأنك “حشرية”، والظاهر إنك فعلاً متتأدبيش غير بالعين الحمرا.”
منال اتصدمت.. هناء كانت سبقتها بخطوة و”لبست” الحقيقة توب جديد خلى عصام يقف في صفها ضد أهله.
البيت هدي تاني، بس عصام مابقاش يبص في عين هناء زي زمان.. بقى خايف منها.
وهناء قعدت قدام المراية، لبست خاتمها الدهب “اللازوردي” الأصلي، وابتسمت وهي بتقول في سرها:
“اللي يفتكر إنه كسبني.. يكون لسه ميعرفش أنا مين.”
بس يا ترى.. هل عصام هيقدر يعيش مع واحدة “مكارة” زي
