حماتي وبناتها التؤام
واختي موجوده وخلفت الواد
والبت قبل ما جوزها يروح الله يرحمه
الحما
ريحي نفسك يا حبيبتي انا مش هخلي
ابني يربي عيال حد
شرين
فيه اي يا حماتي والله ما اقصد حاجه انا عارفه
ان اختي بنت حلال علشان كده كلمتك
عليها
الحما
عارفه ياختي وربما يكرمها بعيد
عني اه انا قولتك الف مره شيلي موضوع الخلفه
ده من دماغك
شرين
اللي تشوفي يا حماتي معاكي فيه
وبعد شهر وعماد كان لسه اجازة حسيت اني تعبانة اوي وقولت له
هيام
انا تعبانة ياعماد وعايزة اكشف عالطول حاسه
بدوخه
عماد
ليه ياحبيبتي مالك بس في ايه تعالي نروح للدكتور نكشف
وفعلا خدني عماد ورحنا لدكتورة وقالت لي
الدكتوره
مبروك يامدام هيام انتي حامل في الشهر الأول
عماد بفرحة
بجد يادكتورة مراتي حامل انا مش عارف اقولك ايه انتي فرحتينا اوي يادكتورة كتر خيرك
الدكتوره
المهم ان المدام متعملش اي مجهود لازم الراحة التامة الحمل لسه في أوله وممكن لقدر الله يحصل حاجة عايزكي الأشهر
الاوليه دول تريحي نفسك خالص ومش تعملي
مجهود كبير
عماد
ان شاء الله مش هيحصل حاجة انا هخلي بالي منها عن اذنك يادكتورة
ورجعنا البيت وعماد قال لأمه على الحمل
وفضلت تزرغط كتير وفرحانة وقالت لي
الحما
الف الف مبروك والله العظيم انا كنت
حاسه ان ربما هيفرح قلبي قريب
طيب والدكتوره دي مقالتش واد ولا بت ياهيام
هيام
لا ياحماتي لسه مايبانش طبعا في الأول كده لسه كام شهر كمان المهم أن خلاص
حصل حمل ولد بنت بقي دي حاجه
بتاعت ربنا
الحما
لا لا يا حبيبتي الكلام ده مش عندي
انا اه العيله دي كلها بتجيب صبيان
ومش علي اخر الزمن تجيبي بنت
انتي تروحي بكره ليها ولازم تعرفي انتي
حامل في اي ولد ولا في بنت
عماد
ياما لسه بدري على الكلام ده وبعدين يا ست الكل خليكي مأمنه ان دي حاجه بتاعت ربنا .ومينفعش الكلام ده
على العموم انا همشي دلوقتي عشان رايح مشوار لواحد صاحبي وراجع
وسبنا عماد ومشي وحماتي قالت لي
الحما
طيب اسمعي يابت انا عايزة واد مش بت انت سامعة ولا
لا انا مش بحب البنات لحسن والمصحف
ياهيام لو مجات بت لكون مخليه ابني متجوز عليكي
هيام
هو انا احمل تقوليلي هجوزة محملش تقولي هجوزة هو في ايه يا حماتي بالظبط وبعدين الواد ولا البت دي مش بأيدينا دي برضو بتاع ربنا
الحما
عشان انا مش عايزه بنات عايزة ولاد عايزة رجاله ياختي فاهمة البنات بيعملو ايه غير انهم بيشيلو الهم لاهاليهم انما الواد بيبقا راجل ويعتمد على نفسه وأهله بيعتمدو عليه زي ولادي الرجاله كده
هيام
ان شاء الله ياحماتي ادعي لنا انتي بس وربنا يسهل الحال ان شاء الله
وعند شرين كانت اختها عندها وقالت لها
يعني البت هيام حملت ياشرين وانا لسه اااه يااااني ده انا حاسه اني هيجرا لي حاجة
شرين
بعد الشړ عليكي يا دينا ليه بس يا حبيبتي ليه بس بتقولي كده وبعدين مانتي روحتي لبدل الدكتور عشره وكلهم أكدو انها مجرد وقت وتعدي
دينا
انتي متعرفيش حماتي وحشة ازاى ياشرين دي بتعاملني معاملة العبيد دي عايزة تخلي أمير يتجوز عليا عشان قال ايه لسه مش عارفه اجيب له حته العيل
شرين
والله حماتك دي عايزة الولعه عامله زي حماتي بالظبط هما كل الحموات كده اعوزو بالله منهم ياشيخة عامله اكلمها علي اختك ناهد
نفسي افرح بيها وهي مش راضيه
بتقولي مش هخلي ابني يتجوز واحده معاها عيال
دينا
انت اكيد بتهزري لا طبعا يا بنتي وهي ناهد هتوافق على كلامك اللي انت بتقولي عليه ده
شرين
يا اختي وايه اللي هيخليها ما توافقش يعني مش احسن ما هي قاعده كده زي البنت اللي واقفه عند ابوكي وعماله تاخد منه مصاريف للعيال
دينا
ده بدل ما تحمدي ربنا انك عايشه مع جوزك
ايه يا عيني اتيتمت بدري
شرين
انا عارفه ان الكلام معاكي ولا هيودي ولا هيجيب واحنا كان ذنبنا ايه يعني مش الفلوس اللي ابوك عمال يبعترها دي
المفروض احنا لينا فيها
دينا
بقولك اي خلينا في مشكلتي والله انا
مش قادره اتكلم واحل مشاكل حد
شرين
بجد معرفش اي اللي حصل للحموات والله
كلهم بقوا حاجه فظيعه
دينا
اه والله الهي شوطه تاخدهم كلهم الحموات الشريرة دي اللي معندهاش ډم دي
شرين
المهم انتي تبطلي حزن ومتشليش هم حاجة وان شاء الله تعدي على خير وتخلفي بدل العيل اتنين
لما اقوم اروح بقي لاحسن مش عايزه
مشاكل مع حماتي وفي الوقت ده دخلت ناهد
ناهد
رايحه فين يا بنتي الاكل خلاص قرب يخلص
مش هتكلي قبل ما تمشي ولا اي
شرين
لا ياختي بقولك اي ما تبقي تيجي
يوم عندي كده قبل ما عماد يمشي ويسافر
خلي يشوفك
ناهد
تاني كلام في الحوار ده ي بنتي انا لا يمكن
افكر اتجوز بعد جوزي الله يرحمه
شرين
هو فيه اي خلاص برحتكم كتكم الأقرف انا
كل اللي يهمني مصلحتك وكل واحده فيكم
تتكلم بالطريقه دي انا ماشيه اوعي كده
من وشي وبعدها مشيت
وعدت الايام وعماد قالي
انا مسافر بالله عليكي خلي بالك من نفسك
بجد متعرفبش انا خاېف عليكي ازاي
وكلي كويس وامه قالت له
الحما
اطمن ياحبيبي مراتك في عنيا لحد لما تولد وتقوم بالسلامة هي وابنك
هيام.
يعني مش هتبقا موجود وانا بولدي ياعماد
الحما
يووه ماحنا كلنا هنبقا حواليكي ياختي جرا ايه يابت ايه الدلع ده كله ماتسيبي جوزك يمشي خليه يلحق طيارتة
هيام بعياط
حاضر خلي بالك من نفسك ياعماد وابقي طمني عليك اول لما توصل هناك ياحبيبي
الحما
ماخلاص بقا يابت هو ايه المحڼ ده بطلي ياختي بلا دلع يلا ياحبيبي لحسن عمرو صاحبك مستنيك برة بالعربية
عماد
حاضر ياما انا همشي اهو وخلو بالكم من نفسكم يلا سلام عليكم
ومشي عماد وفضلت زعلانة عليه فترة وعدي على الحمل اريع شهور وحماتي قالت لي
الحما
المره دي بقا
اكيد الدكتورة هاتقول لك على نوع الجنين ولد
ولا بنت وانا عايزه اعرف بقي
في اسرع وقت
هيام
الله اعلم ياحماتي هو ولد ولا بنت وبعدين عماد قالي كل اللي يجيبه ربنا كويس ولا ايه
الحما
هو جوزك ده عارف حاجة انتي خليتيه اصلا ليه رأي ولا كلمه وانا قولتك يا حبيبتي الحوار خلص
ولازم تعرفي انتي حامل في اي
هيام
اقصدك اي يا حماتي بكلامك ده يعني هو انا اللي حكماه ده راجل وسيد الرجاله كلها
الحما
ڠصب عنك يابت راجل ابن راجل طبعا اسمعي ياختي انتي لازم تخلي الدكتورة دي تشوف نوع الجنين ايه وتبلغيني انا قولت اهو ولو عايزاني اجي معاكي هاجي ولقيت شرين خارجه وبتقول
شرين
لا لا ياحماتي خليكي انتي وانا هاروح معاها ونكشف ونشوف اذا ولد ولا بنت
الحما
خلاص يبقا تروحي معاها ياشرين انا هاقوم انام لحسن عضمي وجعني
ودخلت حماتي وشرين قالت
متقلقيش ياهيام انا هاجي معاكي ونشوف الدكتور قالت ايه واذا كان علي كده انا معاكي مټخافيش يعني لو قالت بت هنقول ولد
هيام
طيب افردي طلعت بنت واحنا قولنا انها ولد ايه العمل بقا ساعت الولاد واكتشفت انها بنت
شرين
هو انتي بترتبي للبلاء قبل وقوعة ياهيام ياشيخة بقا حرام عليكي احنا نروح للدكتوره بكرة وتشوفها هاتقول لنا ايه
ودخلت شقتي وفضلت افكر طيب اعمل ايه في الموضوع ده وفضلت طول الليل صاحية لحد لما جه الميعاد بتاع الدكتوره ورحنا انا وشرين
والدكتورة كشفت عليا بالسونار وقالت لي
انتي حامل في تؤام يامدام هيام
هيام بفرحة
ايه بجد يادكتورة يعني انا حامل في ولدين تؤام
الدكتوره
لا هما بنتين مش ولدين ياهيام
طبعا اټصدمت انا وشرين اللي قالت للدكتورة بسرعه
انتي متأكده يادكتورة يعني هما فعلا بنتين مش ولدين
الدكتورة
لا حضرتك هما بنتين الف مبروك وبعدين انتو لازم تفرحو بالبنات عشان البنات احن منهم مفيش ربنا يكملك على وتقومي بالسلامة يارب
وخرجنا من عند الدكتوره وشرين قالت لي
هنعمل ايه ياهيام هتقولي لحماتك ايه وبعدين انتي لازم تعرفيها دول بنتين تؤام اناي لو ولد وبنت تؤام
هيام
طيب هعمل ايه انا مړعوپة ارجع البيت دلوقتي انتي عارفه لسانها مش هنخلص منها ولا من كلامها
شرين
خلاص احنا نقول ان لسه الدكتوره مش عارفه تحدد هما ايه بالظبط
هيام
وتفكتري حماتك هتصدق الكلام ده
شرين
بقولك اي احنا هنعمل كده واللي يحصل يحصل
يلا بينا
ورجعنا البيت وحماتي قالت لنا
ايه يابت انتي وهي عملتو ايه طمنوني ها ولد مش كده برضو ياهيام
هيام بارتباك
هاااه ااه انا اااا طالعه انام شوية عن اذنك ياحماتي
وسبتهم وطلعت وحماتي قالت لشرين
الحماة
هي ايه العبارة يابت مالها البت دي مش على بعضها ليه كده
شرين
انا هاقولك ياحماتي بس متقوليش اني قولتك هيام حامل في تؤام بنات حماتي وقالت انها هتخبي عليكي الموضوع ده
حماتي اټصدمت ومش عارفه ترد عليها وكملت شرين وقالت لها
الا بالحق ياحماتي هي لو جابت البنات انتي هتعملي ايه
الحما
ايوه هو ده الكلام يبقا ننتظر لحد لما تولد بنت اسماعيل الحلاق دي
وبعدها طلعت شرين شقتها واتصلت باختها وقالت لها
شرين
اسمعي يا دينا انا عايزاكي تقولي لحماتك وجوزك انك حامل في الشهر الرابع وانتي مكنتيش تعرفي وسيبي الباقي عليا انا
دينا
انا مش فاهمة حاجة بس طالما انتي طلبتي كده خلاص هاقول لهم طيب ماشي
وبعدها طلبت منها شرين انها تتداري في اي مكان بعيد عن حماتها وجوزها وفعلا قالت لهم انها تقعد في بيت ابوها اللي مفيهوش حد
وعدت الشهور وجه يوم و اانا ولدت وحماتي وشرين كانو معايا ونفذو اللي هما قالو عليه
وشرين قالت لحظاني
شرين قالت لحماتي
انا هاروح وادفنهم انا بنفسي خليكي انتي ياحماتي
واخدت
البنتين وبعدها معرفش ايه اللي حصل وانا فوقت
من البنج ادور على ولادي وقولت
هيام
بناتي فين ياحماتي البنات فين
الحما
شدي حيلك ياهيام البنات تعيشي انتي
هيام
يعني ايه الكلام ده بناتى فين الله يخليكم انا عايزة ولادي هاتيهم ياحماتي احضنهم
الحما
ماقولت لك انهم راحو يابت والبقاء لله انتي عايزة تعترضي على قضاء ربنا وربنا ده ربنا هو اللي عايز كده قولي الحمد لله ياختي
هيام
طيب هما فين احضنهم بس ودخلت شرين
شرين
للأسف ياهيام حماتك راحت دفنتهم من شوية ومعلش انتي كنتي في البنج معرفتيش تشوفيهم ربنا يصبرك ياحبيبتي
وفي الوقت ده راحت شرين عند اختها
اللي كانت عامله
نفسها والده وجابت بنتين تؤام وعماله تلاعب فيهم وفرحانة بيهم وقالت لشرين
دينا
البنتين زي القمر ياشرين انا مش عارفه اقولك ايه بصراحة
شرين
بقولك ايه انتي لازم تختفي اليومين دول قولي لجوزك ياخدك وتروحو اي مكان بعيد كده
دينا
على فكرة بقا حماتك متعرفش حاجة عننا وبعدين قولي لها اني خلفت تؤام انا كمان واكيد هي مش هتتكلم يعني
شرين
خلاص يبقا هاقول لها كده بس كمان شهر كده وانا هاقول لهم انك لسه والده ماشي
دينا
ماشي يا اختي ياحبيبتي انتي ربنا مايحرمني منك ابدا
وعدت الايام وانا حزينة على بناتي اللي راحو مني وانا ملحقتش اشوفهم وافرح بيهم ورجع عماد من السفر وقالي
عماد
معلش ياحبيبتي متزعليش ربنا يعوض علينا أن شاء الله بغيرهم ياهيام انتي لسه صغيرة وممكن تخلفي تاني
هيام
انا عايزة اروح أزور قبرهم ياعماد اللي امك حتى مش عايزاني اعرف مكانه ده
عماد
وهي امي ليه بس مش هتبقا عايزاكي تعرفي مكانهم هي هتستفاد ايه يعني
هيام
عشان امك مكنتش عايزة البنات دي ياعماد انا حاسه انها هي اللي عملت فيهم حاجة انت تدور على اللي حصل لهم وتعرف الحقيقه ياعماد ارجوك انا قلبي وجعني على بناتي
عماد
لا حول ولا قوة الا بالله ايه الكلام ده بس ياهيام وامي هتعمل فيهم حاجة ليه دول مهما ان كانو احفادها برضو
فضلت اسرخ واقوله
عشان هي مكانتش عايزة البنات كانت عايزة الولد افهم ياعمااااد افهم ارجوك
عماد
اهدي ياهيام اهدي مش كده انتي لسه خارجة من قيصرية وغلط العصبيه عليكي ياحبيبتي مش كده
هيام
قلبي وجعني على بناتي اااه ياني انت متسافرش تاني وخليك معايا وحياتي عندك تخليك جنبي انا محتاجة لك ياعماد
عماد
حاضر ياحبيبتي انا هطول الاجازة بتاعتي شوية كمان عشان خاطرك ممكن بقا ترتاحي خودي الدوا بتاعك وارتاحي
وبعدها نمت وعماد نزل لامه وقال لها
عماد
ايه الكلام اللي هيام بتقوله ده ياما انتي فعلا مكنتيش عايزة البنات وقولتي لها انك مش بتحبي البنات هو انا بناتي راحو ازاى يا أمي
الام
وانا اش عرفني ياعماد ما أنا قولت لك يابني انهم كانو تعبانين لما اتولودو وراحو علطول والدكتور عندك روح اساله عن اللي حصل ااه ياني يلي مظلومة مع ابني ياني اللي بيصدق مراتة ويكدبني ياني
عماد
يا أمي أنا ولا صدقتها ولا كدبت ولا حاجة انا بس نفسي ارتاح وهيام كمان عايزة تطمن وقلبها يرتاح
الام
ارتاح انت ومراتك ياعماد ارتاح يابني وبكرة ربنا يعوض عليك انت وهي وتخلفو احسن منهم
عماد
والله لو طلع كلام هيام صح كلامي هيكون
معاكي كبير اوي
الحما
هو فيه اي ي واد من أمتي وانت بتكلم امك
بالطريقه دي معقول أنا أعمل
كده في عيال ابني
عماد
اه علشان عارف ومتأكد
كويس اوي انتي قد اي
مس بتحبي البنات ومش كنتي
عايزه بنات
الحما
بس عندي قلب يا قلب امك
وعمري ما اعمل حاجه في عيال ابني انت
فاهم ولا لا
وعند دينا حماتها كانت عندها وقالت لها
الحما
هو انتي ياختي مش بترضعي البنات من صدرك ليه ايه خاېفه على
جسمك يبوظ ولا ايه
لازم العيال يشبعوا من حنانك
